اتحاد و اتفاق

ﺍﺟﺘﻤﺎﻋﯿﺖ ﺍﻭﺭ ﺍﺗﺤﺎﺩ ﺍﯾﮏ ﻓﻮﻻﺩﯼ ﻗﻮﺕ ﻭ ﻃﺎﻗﺖ ﮨﮯ، ﻋﺮﻭﺝ ﻭ ﺗﺮﻗﯽ ﮐﺎ ﺳﺒﺐ ﮨﮯ ﺍﻭﺭ ﺍﻧﺘﺸﺎﺭ ﻭ ﺍﺧﺘﻼﻑ ﺿﻌﻒ ﻭ ﮐﻤﺰﻭﺭﯼ ﮨﮯ، ﭘﺴﭙﺎﺋﯽ ﺍﻭﺭ ﺯﻭﺍﻝ ﮐﺎ ﺑﺎﻋﺚ ﮨﮯ، ﺑﻠﮑﮧ ﺟﺐ ﺍٓﭖ ﺫﺭﺍ ﺳﻨﺠﯿﺪﮔﯽ ﺳﮯ ﻏﻮﺭ ﮐﺮﯾﮟ ﮔﮯ ﺗﻮ ﺍٓﭖ ﮐﻮ ﭘﺘﮧ ﭼﻠﮯ ﮔﺎ ﮐﮧ ﺩﻧﯿﺎ ﮐﺎ ﺳﺎﺭﺍ ﻧﻈﺎﻡ ﺍﺗﺤﺎﺩ ﮐﮯ ﺑﻞ ﺑﻮﻃﮯ ﭘﺮ ﻗﺎﺋﻢ ﮨﮯ۔ ﮐﺒﮭﯽ ﺍٓﭖ ﻧﮯ ﺳﻮﭼﺎ ﮐﮧ ﺭﻭﭨﯽ ﮐﺎ ﻭﮦ ﻧﻮﺍﻟﮧ ﺟﺴﮯ ﺍﭘﻨﮯ ﻣﻨﮧ ﻣﯿﮟ ﮈﺍﻟﺘﮯ ﮨﯿﮟ، ﮐﺒﮭﯽ ﻣﺤﺾ ﺍﯾﮏ ﺩﺍﻧﮧ ﺗﮭﺎ، ﺍُﺳﮯ ﺯﻣﯿﻦ ﺳﮯ ﭘﯿﺪﺍ ﮐﺮﻧﮯ ﻣﯿﮟ ﮐﺴﺎﻥ ﮐﯽ ﺿﺮﻭﺭﺕ ﮨﻮﺋﯽ، ﺯﻣﯿﻦ ﻧﮯ ﺳﺎﺗﮫ ﺩﯾﺎ، ﻣﭩﯽ ﮨﻤﻮﺍﺭ ﮨﻮﺋﯽ، ﺍٓﺏ ﻭ ﮨﻮﺍ ﻣﻮﺍﻓﻖ ﮨﻮﺍ، ﭘﮭﺮ ﮐﭩﺎﺋﯽ، ﭘﺴﺎﺋﯽ ﺍﻭﺭﺳﭙﻼﺋﯽ ﮐﮯ ﺑﻌﺪ ﻧﻮﺍﻟﮧ ﺑﻨﻨﮯ ﺗﮏ ﺟﻦ ﺟﻦ ﻣﺮﺍﺣﻞ ﺳﮯ ﮔﺰﺭﺍ ﯾﮧ ﺍﺗﺤﺎﺩ ﮐﺎ ﺑﯿﻦ ﺛﺒﻮﺕ ﮨﮯ۔
ﺟﺎﻧﻮﺭﻭﮞ ﻣﯿﮟ ﮐﺒﻮﺗﺮﻭﮞ ﮐﻮ ﺩﯾﮑﮭﺌﮯ ﺟﺐ ﻭﮦ ﺷﮑﺎﺭﯼ ﮐﮯ ﺟﺎﻝ ﻣﯿﮟ ﭘﮭﻨﺴﺘﮯ ﮨﯿﮟ ﺗﻮ ﮐﺴﯽ ﮐﮯ ﺑﺲ ﮐﯽ ﺑﺎﺕ ﻧﮩﯿﮟ ﮨﻮﺗﯽ ﮐﮧ ﺟﺎﻝ ﮐﮯ ﺑﻨﺪﮬﻦ ﮐﻮ ﺗﻮﮌ ﮐﺮ ﻧﮑﻞ ﺟﺎﺋﮯ ﻟﯿﮑﻦ ﺟﺐ ﺳﺎﺭﮮ ﮐﺒﻮﺗﺮ ﻣﻞ ﮐﺮ ﺯﻭﺭ ﻟﮕﺎﺗﮯ ﮨﯿﮟ ﺗﻮ ﺟﺎﻝ ﺳﻤﯿﺖ ﭘﺮﻭﺍﺯ ﮐﺮ ﺟﺎﺗﮯ ﮨﯿﮟ، ﺍﻭﺭ ﺷﮑﺎﺭﯼ ﻣﻨﮧ ﺩﯾﮑﮭﺘﺎ ﺭﮦ ﺟﺎﺗﺎ ﮨﮯ، ﺗﺎﺭﻭﮞ ﮐﯽ ﺩﻧﯿﺎ ﻣﯿﮟ ﻏﻮﺭ ﮐﺮﮐﮯ ﺩﯾﮑﮭﺌﮯ ﮐﮧ ﺍﮔﺮ ﻭﮦ ﻣﻨﺘﺸﺮ ﮨﻮﮞ ﺗﻮ ﺣﺴﯿﻦ ﻭ ﺟﻤﯿﻞ ﮐﮩﻼﻧﮯ ﺳﮯ ﺭﮨﯿﮟ، ﻟﯿﮑﻦ ﺟﺐ ﻭﮨﯽ ﻣﺘﺤﺪ ﮨﻮﺗﮯ ﮨﯿﮟ ﺗﻮ ﮐﮩﮑﺸﺎﮞ ﮐﮩﻼﺗﮯ ﮨﯿﮟ ﻭﺭﻧﮧ ﺍﮔﺮ ﯾﮧ ﺑﮑﮭﺮﮮ ﮨﻮﺗﮯ ﺗﻮ ﺍﻧﮩﯿﮟ ﮐﮩﮑﺸﺎﮞ ﮐﻮﻥ ﮐﮩﺘﺎ، ﺍﺳﯽ ﺣﻘﯿﻘﺖ ﮐﯽ ﺗﺮﺟﻤﺎﻧﯽ ﻋﻼﻣﮧ ﺍﻗﺒﺎﻝ ﻧﮯ ﮐﯽ ﮨﮯ ؎
ﮨﯿﮟ ﺟﺬﺏ ﺑﺎﮨﻤﯽ ﺳﮯ ﻗﺎﺋﻢ ﻧﻈﺎﻡ ﺳﺎﺭﮮ ﭘﻮﺷﯿﺪﮦ ﮨﮯ ﯾﮧ ﻧﮑﺘﮧ ﺗﺎﺭﻭﮞ ﮐﯽ ﺯﻧﺪﮔﯽ ﻣﯿﮟ
ﺟﺐ ﺩﻧﯿﺎ ﮐﯽ ﺳﺎﺭﯼ ﭼﯿﺰﻭﮞ ﻣﯿﮟ ﺍﺗﺤﺎﺩ ﻭ ﺍﺗﻔﺎﻕ ﮐﯽ ﮐﺎﺭ ﻓﺮﻣﺎﺋﯽ ﭘﺎﺋﯽ ﺟﺎﺗﯽ ﮨﮯ ﺗﻮ ﺣﻀﺮﺕ ﺍﻧﺴﺎﻥ ﺟﻮ ﺍﺷﺮﻑ ﺍﻟﻤﺨﻠﻮﻗﺎﺕ ﮨﮯ ﺍﺱ ﮐﮯ ﺍﻧﺪﺭ ﮐﯿﺴﺎ ﺍﺗﺤﺎﺩ ﭘﺎﯾﺎ ﺟﺎﻧﺎ ﭼﺎﮨﺌﮯ ؟ ﺍﺱ ﮐﺎ ﺍﻧﺪﺍﺯﮦ ﺍٓﭖ ﺧﻮﺩ ﻟﮕﺎ ﺳﮑﺘﮯ ﮨﯿﮟ، ﺍﻭﺭ ﺍﻧﺴﺎﻧﻮﮞ ﻣﯿﮟ ﺑﮭﯽ ﻗﻮﻡ ﻣﺴﻠﻢ ﮐﻮ ﮐﺲ ﻗﺪﺭ ﻣﺘﺤﺪ ﮨﻮﻧﺎ ﭼﺎﮨﺌﮯ ﺍﺱ ﮐﯽ ﺿﺮﻭﺭﺕ ﻭ ﺍﮨﻤﯿﺖ ﮐﻮ ﺑﮭﯽ ﺍٓﭖ ﯾﮩﯿﮟ ﭘﺮ ﻣﺤﺴﻮﺱ ﮐﺮ ﺳﮑﺘﮯ ﮨﯿﮟ ﮐﯿﻮﮞ ﮐﮧ ﻗﻮﻡ ﻣﺴﻠﻢ ﺧﯿﺮ ﺍﻣﺖ ﮨﮯ ﺍﻭﺭ ﺳﺎﺭﯼ ﺍﻧﺴﺎﻧﯿﺖ ﮐﮯ ﻟﯿﮯ ﺭﮨﺒﺮ ﮐﯽ ﺣﯿﺜﯿﺖ ﺭﮐﮭﺘﯽ ﮨﮯ۔
ﻟﯿﮑﻦ ﺻﺪ ﺣﯿﻒ ﺍٓﺝ ﺍﯾﮏ ﻃﺮﻑ ﺗﻮ ﻋﺎﻟﻤﯽ ﺳﻄﺢ ﭘﺮ ﺍﺳﻼﻡ ﮐﮯ ﺧﻼﻑ ﺳﺎﺯﺷﯿﮟ ﮨﻮ ﺭﮨﯽ ﮨﯿﮟ ﺗﻮ ﺩﻭﺳﺮﯼ ﺟﺎﻧﺐ ﮨﻢ ﻣﺴﻠﻤﺎﻥ ﺧﻮﺩ ﺍٓﭘﺴﯽ ﺧﺎﻧﮧ ﺟﻨﮕﯽ ﮐﮯ ﺷﮑﺎﺭ ﮨﯿﮟ، ﺟﻤﺎﻋﺘﻮﮞ، ﮔﺮﻭﮨﻮﮞ ﺍﻭﺭ ﭨﻮﻟﯿﻮﮞ ﻣﯿﮟ ﺑﭩﮯ ﮨﻮﺋﮯ ﮨﯿﮟ، ﮨﻢ ﻣﯿﮟ ﮐﺎ ﮨﺮ ﺍﯾﮏ ﺩﻭﺳﺮﮮ ﮐﯽ ﻣﺨﺎﻟﻔﺖ ﭘﺮ ﮐﻤﺮ ﺑﺴﺘﮧ ﮨﮯ، ﻣﻌﻤﻮﻟﯽ ﺑﺎﺗﻮﮞ ﮐﻮ ﺍﯾﺸﻮ ﺑﻨﺎﮐﺮ ﮨﻢ ﺍﯾﮏ ﺩﻭﺳﺮﮮ ﺳﮯ ﺑﺪ ﻇﻦ ﮨﻮ ﺟﺎﺗﮯ ﮨﯿﮟ ﺍﻭﺭ ﺑﺪﻇﻨﯽ ﺍﺱ ﺣﺪ ﺗﮏ ﭘﮩﻨﭻ ﭼﮑﯽ ﮨﮯ ﮐﮧ ﺍﯾﮏ ﺩﻭﺳﺮﮮ ﮐﯽ ﺑﺎﺕ ﺗﮏ ﺳﻨﻨﮯ ﮐﮯ ﻟﯿﮯ ﺗﯿﺎﺭ ﻧﮩﯿﮟ ﮨﻮﺗﮯ، ﺍﺱ ﺍﺧﺘﻼﻑ ﻧﮯ ﮨﻤﯿﮟ ﺑﮩﺖ ﻧﻘﺼﺎﻥ ﭘﮩﻨﭽﺎﯾﺎ ﮨﮯ، ﺍﺱ ﺳﮯ ﮨﻤﺎﺭﯼ ﺩﺍﺧﻠﯽ ﻗﻮﺕ ﮐﻤﺰﻭﺭ ﮨﻮﺋﯽ ﮨﮯ، ﺍﺱ ﺍﺧﺘﻼﻑ ﮐﯽ ﻭﺟﮧ ﺳﮯ ﺍﺳﻼﻡ ﮐﯽ ﻧﺸﺮ ﻭ ﺍﺷﺎﻋﺖ ﻣﺘﺎﺛﺮ ﮨﻮﺭﮨﯽ ﮨﮯ، ﻏﯿﺮ ﻣﺴﻠﻤﻮﮞ ﮐﮯ ﺫﮨﻦ ﻭ ﺩﻣﺎﻍ ﻣﯿﮟ ﺍﺳﻼﻡ ﮐﮯ ﺧﻼﻑ ﻣﺨﺘﻠﻒ ﻃﺮﺡ ﮐﮯ ﺳﻮﺍﻻﺕ ﭘﯿﺪﺍ ﮨﻮ ﺭﮨﮯ ﮨﯿﮟ، ﺟﻦ ﻟﻮﮔﻮﮞ ﮐﮯ ﺩﻟﻮﮞ ﻣﯿﮟ ﻣﻠﺖ ﮐﺎ ﺩﺭﺩ ﮨﮯ ﺍُﻥ ﮐﯽ ﺧﻮﺍﮨﺶ ﮨﻮﺗﯽ ﮨﮯ ﮐﮧ ﻣﺴﻠﻤﺎﻥ ﮐﺴﯽ ﻃﺮﺡ ﻣﺘﺤﺪ ﮨﻮﺟﺎﺋﮯ ﻟﯿﮑﻦ ﻭﮦ ﺍﻣﺖ ﺟﺲ ﮐﺎ ﻣﻌﺒﻮﺩ ﺍﯾﮏ، ﺭﺳﻮﻝ ﺍﯾﮏ، ﻗﺮﺍٓﻥ ﺍﯾﮏ، ﻗﺒﻠﮧ ﺍﯾﮏ، ﻣﻘﺼﺪ ﺍﯾﮏ ﺍﻭﺭ ﻣﻨﺰﻝ ﺑﮭﯽ ﺍﯾﮏ ﮨﮯ ﻭﮦ ﮐﺴﯽ ﻃﺮﺡ ﻣﺘﺤﺪ ﮨﻮﻧﮯ ﮐﻮ ﺗﯿﺎﺭ ﻧﮩﯿﮟ ؎

ﻣﻨﻔﻌﺖ ﺍﯾﮏ ﮨﮯ ﺍﺱ ﻗﻮﻡ ﮐﯽ ﻧﻘﺼﺎﻥ ﺑﮭﯽ ﺍﯾﮏ
ﺍﯾﮏ ﮨﯽ ﺳﺐ ﮐﺎ ﻧﺒﯽ ﺩﯾﻦ ﺑﮭﯽ ﺍﯾﻤﺎﻥ ﺑﮭﯽ ﺍﯾﮏ

ﺣﺮﻡ ﭘﺎﮎ ﺑﮭﯽ، ﻗﺮﺍٓﻥ ﺑﮭﯽ، ﺍﻟﻠﮧ ﺑﮭﯽ ﺍﯾﮏ
ﮐﭽﮫ ﺑﮍﯼ ﺑﺎﺕ ﺗﮭﯽ ﮨﻮﺗﮯ ﺟﻮ ﻣﺴﻠﻤﺎﮞ ﺑﮭﯽ ﺍﯾﮏ

ﻓﺮﻗﮧ ﺑﻨﺪﯼ ﮨﮯ ﮐﮩﯿﮟ ﺍﻭﺭ ﮐﮩﯿﮟ ﺫﺍﺗﯿﮟ ﮨﯿﮟ
ﮐﯿﺎ ﺯﻣﺎﻧﮯ ﻣﯿﮟ ﭘﻨﭙﻨﮯ ﮐﯽ ﯾﮩﯽ ﺑﺎﺗﯿﮟ ﮨﯿﮟ