🌳ﺍﻧﺴﺎﻥ ﺧﺴﺎﺭﮮ ﻣﯿﮟ ﮨﮯ🌳
ﻭﺍﻟﻌﺼﺮ ﺇﻥ ﺍﻹﻧﺴﺎﻥ ﻟﻔﻲ ﺧﺴﺮ ﺇﻻ ﺍﻟﺬﻳﻦ ﺁﻣﻨﻮﺍ ﻭﻋﻤﻠﻮﺍ ﺍﻟﺼﺎﻟﺤﺎﺕ ﻭﺗﻮﺍﺻﻮﺍ ﺑﺎﻟﺤﻖ ﻭﺗﻮﺍﺻﻮﺍ ﺑﺎﻟﺼﺒﺮ ( ﺳﻮﺭﺓ ﺍﻟﻌﺼﺮ )
ﺗﺮﺟﻤﮧ : ” ﺯﻣﺎﻧﮯ ﮐﯽ ﻗﺴﻢ ! ﺑﮯ ﺷﮏ ﺍﻧﺴﺎﻥ ﮔﮭﺎﭨﮯ ﻣﯿﮟ ﮨﮯ ۔ ﺳﻮﺍﺋﮯ ﺍﻥ ﻟﻮﮔﻮﮞ ﮐﮯ ﺟﻮ ﺍﯾﻤﺎﻥ ﻻﺋﮯ ﺍﻭﺭ ﻧﯿﮏ ﮐﺎﻡ ﮐﯿﮯ ﺍﻭﺭ ﺍﯾﮏ ﺩﻭﺳﺮﮮ ﮐﻮ ( ﺍﯾﻤﺎﻥ ﺍﻭﺭ ﻋﻤﻞ ﺻﺎﻟﺢ ﮐﯽ ) ﻧﺼﯿﺤﺖ ﮐﯽ ﺍﻭﺭ ﺍﯾﮏ ﺩﻭﺳﺮﮮ ﮐﻮ ﺻﺒﺮ ﮐﯽ ﺗﻠﻘﯿﻦ ﮐﯽ “ ۔
🌳ﺗﺸﺮﯾﺢ🌳 : ﯾﮧ ﺳﻮﺭﮦ ﺑﮯ ﭘﻨﺎﮦ ﺍﮨﻤﯿﺖ ﮐﯽ ﺣﺎﻣﻞ ﺍﻭﺭ ﻋﻈﻤﺖ ﻭﺍﻟﯽ ﺳﻮﺭﮦ ﮨﮯ ۔ ﺍﻣﺎﻡ ﺷﺎﻓﻌﯽ ﺭﺣﻤﻪ ﺍﻟﻠﻪ ﻓﺮﻣﺎﺗﮯ ﮨﯿﮟ ” ﺍﮔﺮ ﻟﻮﮒ ﺍﺱ ﺳﻮﺭﮦ ﮐﻮﺑﻐﻮﺭﭘﮍﮬﯿﮟ ﺍﻭﺭ ﺳﻤﺠﮭﯿﮟ ﺗﻮ ﺍﻥ ﮐﮯ ﻟﯿﮯ ﯾﮩﯽ ﺳﻮﺭﮦ ﮐﺎﻓﯽ ﮨﮯ “ ۔
🌳ﺍﻣﺎﻡ ﺍﺑﻦ ﻗﯿﻢ ﺭﺣﻤﻪ ﺍﻟﻠﻪ ﻣﻔﺘﺎﺡ ﺩﺍﺭ ﺍﻟﺴﻌﺎﺩﺓ ﻣﯿﮟ ﺍﺱ ﺳﻮﺭﮦ ﮐﯽ ﺗﺸﺮﯾﺢ ﮐﺮﺗﮯ ﮨﻮﮮ ﻓﺮﻣﺎﺗﮯ ﮨﯿﮟ :
🌴ﯾﮧ ﺳﻮﺭﮦ ﭼﺎﺭ ﺑﺎﺗﻮﮞ ﭘﺮ ﻣﺸﺘﻤﻞ ﮨﮯ ۔ ﺳﺐ ﺳﮯ ﭘﮩﻠﯽ ﺑﺎﺕ ﻋﻠﻢ ، ﺟﺲ ﺳﮯ ﺣﻖ ﮐﯽ ﻣﻌﺮﻓﺖ ﺣﺎﺻﻞ ﮨﻮﺗﯽ ﮨﮯ ، ﻣﻮﻣﻦ ﺟﺎﻧﺘﺎ ﮨﮯ ﮐﮧ ﺍﻟﻠﮧ ﺣﻖ ﮨﮯ ، ﺍﺱ ﮐﺎ ﻭﻋﺪﮦ ﺣﻖ ﮨﮯ ، ﺍﺱ ﮐﺎ ﺭﺳﻮﻝ ﺣﻖ ﮨﮯ ، ﺍﺱ ﮐﯽ ﻣﻼﻗﺎﺕ ﺣﻖ ﮨﮯ ، ﻓﺮﺷﺘﮯ ﺣﻖ ﮨﯿﮟ، ﺍﻧﺒﯿﺎﺀﺣﻖ ﮨﯿﮟ، ﺟﻨﺖ ﺣﻖ ﮨﮯ، ﺟﮩﻨﻢ ﺣﻖ ﮨﮯ ، ﭘﮭﺮ ﺍﺱ ﮐﮯ ﻣﻄﺎﺑﻖ ﻋﻤﻞ ﮐﺮﺗﺎ ﮨﮯ ﭘﮭﺮ ﻟﻮﮔﻮﮞ ﮐﻮ ﺍﺱ ﮐﯽ ﻃﺮﻑ ﺑﻼﺗﺎ ﮨﮯ ﺍﻭﺭ ﻋﻠﻢ ﻋﻤﻞ ﺍﻭﺭ ﺗﻌﻠﯿﻢ ﭘﺮ ﺻﺒﺮ ﮐﺮﺗﺎ ﮨﮯ ۔ ﯾﮧ ( ﻋﻠﻢ ،ﻋﻤﻞ،ﺗﻌﻠﯿﻢ ﺍﻭﺭﺻﺒﺮ ) ﭼﺎﺭﭼﯿﺰﯾﮟ ﮨﻮﺋﯿﮟ ‘ ﺟﺐ ﺍﻧﺴﺎﻥ ﺍﻥ ﮐﻮ ﻣﮑﻤﻞ ﮐﺮﻟﯿﺘﺎ ﮨﮯ ﺗﻮ ﻭﮦ ﺍﭘﻨﯽ ﺫﺍﺕ ﮐﯽ ﺗﮑﻤﯿﻞ ﮐﺮﻟﯿﺘﺎ ﺍﻭﺭ ﺩﻭﺳﺮﻭﮞ ﮐﻮﺑﮭﯽ ﻣﮑﻤﻞ ﮐﺮﻧﮯ ﻭﺍﻻ ﺑﻦ ﺟﺎﺗﺎ ﮨﮯ “ ۔
ﭼﻨﺎﻧﭽﮧ ﺍﻟﻠﮧ ﭘﺎﮎ ﻧﮯ ﺍﺱ ﺳﻮﺭﮦ ﻣﯿﮟ ﺯﻣﺎﻧﮯ ﮐﯽ ﻗﺴﻢ ﮐﮭﺎﮐﺮ ﮐﮩﺎﮐﮧ ﺍﺱ ﺩﻧﯿﺎ ﻣﯿﮟ ﺳﺎﺭﮮ ﺍﻧﺴﺎﻥ ﮔﮭﺎﭨﮯ ،ﺧﺴﺎﺭﮮ ﺍﻭﺭ ﭨﻮﭨﮯ ﻣﯿﮟ ﮨﻴﮟ۔ ﺯﻣﺎﻧﮧ ﺗﯿﻦ ﻃﺮﺡ ﮐﺎ ﮨﻮﺗﺎ ﮨﮯ ﻣﺎﺿﯽ ﺣﺎﻝ ﺍﻭﺭ ﻣﺴﺘﻘﺒﻞ ‘ ﮔﻮﯾﺎ ﺍﺷﺎﺭﮦ ﺍﺱ ﺑﺎﺕ ﮐﯽ ﻃﺮﻑ ﮨﮯ ﮐﮧ ﺳﺎﺭﮮ ﺍﻧﺴﺎﻥ ﺧﺴﺎﺭﮮ ﻣﯿﮟ ﺗﮭﮯ ،ﺧﺴﺎﺭﮮ ﻣﯿﮟ ﮨﯿﮟ ﺍﻭﺭ ﺧﺴﺎﺭﮮ ﻣﯿﮟ ﺭﮨﯿﮟ ﮔﮯ ۔ ﺗﺎﮨﻢ ﺍﺱ ﺧﺴﺎﺭﮮ ﺍﻭﺭ ﮔﮭﺎﭨﮯ ﺳﮯ ﺻﺮﻑ ﻭﮨﯽ ﻟﻮﮒ ﻣﺤﻔﻮﻅ ﮨﯿﮟ ﺟﻮ ﺍﻥ ﭼﺎﺭ ﺻﻔﺎﺕ ﮐﮯ ﺣﺎﻣﻞ ﮨﯿﮟ۔
( ۱ ) ( ۲ ) ﺍﻟﻠﮧ ﭘﺮ ﭘﺨﺘﮧ ﺍﯾﻤﺎﻥ ، ﺍﻭﺭﺍﺱ ﺍﯾﻤﺎﻥ ﮐﮯ ﻣﻄﺎﺑﻖ ﻋﻤﻞ ﺻﺎﻟﺢ : ﺍﯾﻤﺎﻥ ﮐﮯ ﺳﺎﺗﮫ ﻋﻤﻞ ﮨﺮﺍﻧﺴﺎﻥ ﺳﮯ ﻣﻄﻠﻮﺏ ﮨﮯ ، ﺍﯾﻤﺎﻥ ﺍﻭﺭ ﻋﻤﻞ ﺩﻭﻧﻮﮞ ﮐﺎ ﺑﮩﺖ ﮔﮩﺮﺍ ﺗﻌﻠﻖ ﮨﮯ ،ﺍﯾﻤﺎﻥ ﮐﯽ ﺗﺼﺪﯾﻖ ﻋﻤﻞ ﮨﯽ ﮐﺮﺗﺎ ﮨﮯ،ﺍﻭﺭ ﻋﻤﻞ ﮐﯽ ﻗﺒﻮﻟﯿﺖ ﮐﮯ ﻟﯿﮯ ﺍﯾﻤﺎﻥ ﻻﺯﻡ ﮨﮯ ۔ ﺍﺳﯽ ﻟﯿﮯ ﺍﻟﻠﮧ ﺗﻌﺎﻟﯽ ﻧﮯ ﺍﭘﻨﯽ ﮐﺘﺎﺏ ﻣﯿﮟ ﻣﺨﺘﻠﻒ ﻣﻘﺎﻣﺎﺕ ﭘﺮ ﺩﻭﻧﻮﮞ ﮐﺎ ﺍﯾﮏ ﺳﺎﺗﮫ ﺫﮐﺮ ﮐﯿﺎ ﮨﮯ ﺟﯿﺴﮯ ” ﺟﻮ ﻟﻮﮒ ﺍﯾﻤﺎﻥ ﻻﺋﮯ ﺍﻭﺭ ﻋﻤﻞ ﺻﺎﻟﺢ ﮐﯿﺎ، ﻭﮨﯽ ﻟﻮﮒ ﺟﻨﺘﯽ ﮨﻮﮞ ﮔﮯ، ﺍﺱ ﻣﯿﮟ ﮨﻤﯿﺸﮧ ﺭﮨﯿﮟ ﮔﮯ “ ( ﺍﻟﺒﻘﺮﺓ : ۲۸ ) ﺍﺱ ﻣﻌﻨﯽ ﮐﯽ ﻣﺘﻌﺪﺩ ﺁﯾﺎﺕ ﺁﺋﯽ ﮨﯿﮟ -
🌴ﻋﻤﻞ ﺳﮯ ﺯﻧﺪﮔﯽ ﺑﻨﺘﯽ ﮨﮯ ﺟﻨﺖ ﺑﮭﯽ ﺟﮩﻨﻢ ﺑﮭﯽ🌴
🌴ﯾﮧ ﺧﺎﮐﯽ ﺍﭘﻨﯽ ﻓﻄﺮﺕ ﻣﯿﮞﻨﮧ ﻧﻮﺭﯼ ﮨﮯ ﻧﮧ ﻧﺎﺭﯼ ﮨﮯ🌴
( ۳ ) ﺣﻖ ﮐﯽ ﻭﺻﯿﺖ : ﺍﯾﻤﺎﻥ ﻭﻋﻤﻞ ﮐﮯ ﺑﻌﺪ ﺍﺱ ﺍﻣﺖ ﮐﯽ ﺑﻨﯿﺎﺩﯼ ﺻﻔﺖ ﺍﯾﻤﺎﻥ ﻭﻋﻤﻞ ﮐﯽ ﻃﺮﻑ ﺩﻋﻮﺕ ﮨﮯ،ﺍﻭﺭﺍﺳﯽ ﺑﻨﯿﺎﺩ ﭘﺮ ﺍﺱ ﺍﻣﺖ ﮐﻮ ﺧﯿﺮﺍﻣﺖ ﮐﺎ ﻟﻘﺐ ﺩﯾﺎ ﮔﯿﺎ ﮨﮯ ﮐﮧ ﯾﮧ ﺍﻣﺖ ﻣﺤﺾ ﺍﭘﻨﯽ ﺍﺻﻼﺡ ﭘﺮﺍﮐﺘﻔﺎﻧﮩﯿﮟ ﮐﺮﺗﯽ ﺑﻠﮑﮧ ﺍﻓﺮﺍﺩ ﺍﻭﺭﻣﻌﺎﺷﺮﮮ ﮐﯽ ﺍﺻﻼﺡ ﮐﯽ ﺑﮭﯽ ﻓﮑﺮﻣﻨﺪ ﮨﻮﺗﯽ ﺍﻭﺭﺍﺱ ﮐﮯ ﻟﯿﮯ ﺑﮯ ﭼﯿﻦ ﺭﮨﺘﯽ ﮨﮯ۔ ( ﺁﻝ ﻋﻤﺮﺍﻥ 110: )
🌴( ۴ ) ﺻﺒﺮ ﮐﯽ ﻭﺻﯿﺖ : ﺩﻋﻮﺕ ﻭﺍﺻﻼﺡ ﮐﺎ ﮐﺎﻡ ﺑﮍﺍ ﺻﺒﺮﺁﺯﻣﺎﮨﻮﺗﺎ ﮨﮯ ،ﺍﺱ ﺭﺍﮦ ﻣﯿﮟ ﭘﮭﻮﻟﻮﮞ ﮐﯽ ﺳﯿﺞ ﻧﮩﯿﮟ ﺑﭽﮭﺎﺋﯽ ﺟﺎﺗﯽ ﺑﻠﮑﮧ ﮐﺎﻧﭩﻮﮞ ﺳﮯ ﻣﻘﺎﺑﻠﮧ ﮐﺮﻧﺎ ﭘﮍﺗﺎﮨﮯ ،ﺍﺱ ﻟﯿﮯ ﺩﻋﻮﺕ ﮐﯽ ﺭﺍﮦ ﻣﯿﮟ ﺁﻧﮯ ﻭﺍﻟﯽ ﻣﺼﯿﺒﺘﻮﮞ ﺍﻭﺭﭘﺮﯾﺸﺎﻧﯿﻮﮞ ﮐﻮﺧﻨﺪﮦ ﭘﯿﺸﺎﻧﯽ ﺳﮯ ﺍﻧﮕﯿﺰ ﮐﺮﻧﺎﺑﻨﺪﮦ ﻣﻮﻣﻦ ﺳﮯ ﻣﻄﻠﻮﺏ ﮨﮯ ۔ ﺟﺲ ﺷﺨﺺ ﮐﮯ ﺍﻧﺪﺭ ﯾﮧ ﭼﺎﺭ ﺻﻔﺎﺕ ﭘﯿﺪﺍ ﮨﻮﮔﺌﮯ ﺣﻘﯿﻘﺖ ﻣﯿﮟ ﻭﮨﯽ ﮐﺎﻣﯿﺎﺏ ﮨﮯ 🌴🌴🌴🌴🌴
Darululoomhusainiya.blogspot.com
Kaleem2233@gmail.com
No comments:
Post a Comment