حمد نمبر 2

[07:14, 03/11/2015] Shamimansari Ansari: حمد
یہ  جہان قلب و نظر  جو  ہے تیرے  اذن کن  کی  دلیل  ہے

ترے سب  جہاں  ہیں  جدا  جدا  کوئی رنگ ہے کوئی نور  ہے

تو  رحیم  ہے  تو کریم  ہے،  تیری  ذات سب سے قدیم  ہے

میری  زندگی  میں  چہار  سو  تیری   رحمتوں  کا  ظہور  ہے

میں  خطا  خطا،  تو عطا  عطا،  میں  ہوں  راہرو  تو  ہے  راہنما

اے مرے خدا،  میرے چارہ گر،  میں ہوں کج ادا  تو غفور ہے

تو  قریب ہے رگ جاں سے بھی، تیری  زد سے کس کو فرار  ہے

ترے  ذکر  میں  ہے سکون  اک،  تیری  بندگی میں سرور  ہے

تو   محیط   کائنات   ہے،    تو   واحدہ  ہو   لا  شریک   ہے

سبھی محو  ہيں  تیری  حمد  میں،  کوئی  ملک  ہے  یا  کہ حور  ہے

                                                                  سعادت اللہ
[07:14, 03/11/2015] Shamimansari Ansari: رے حکم سے یہ جہاں بنا تو رحیم ہے تو & *
حمد

ترے حکم سے یہ جہاں بنا تو رحیم ہے تو کریم ہے
ہے کمالِ حکمتِ بے بہا تو رحیم ہے تو کریم ہے

ترا راج شمس و قمر پہ ہے ترا حکم سارے جہان پر
تو ہی ذرّے ذرّے میں برملا تو رحیم ہے تو کریم ہے

تو خزاں بھی ہے تو بہار بھی ، تو ہی سارے غم کا اتار بھی
سبھی راستوں کا تو رہنما تو رحیم ہے تو کریم ہے

تو شکور ہے ، تو غفور ہے ، تو بصیر ہے ، تو خبیر ہے
تری ذات پاک ہے اے خدا تو رحیم ہے تو کریم ہے

تو ہے سب سے برتر و بے بہا ، کسے شے سے تیری مثال کیا
بھلا مجھ سے کب ہو بیاں ترا تو رحیم ہے تو کریم ہے