ولی کامل

ولی کامل

جب خدا اپنے گنہگار بندوں پر رحمت کی نگاہ ڈالتا ہے اور گناہوں میں ڈوبی ہوئی انسانیت کو صراط مستقیم پر گامزن ہونے کی توفیق عطا فرماتا ہے تو اسباب بھی مہیا فرتا ہے کیونکہ دنیا دالا سباب ہے جو خدا ستر ماؤں سے زیادہ محبت کرنے والا ہو وہ اپنے بندوں کو نہیں چاہتا کہ میرا جہنم میں جائے اسلئے اللہ جل شانہ نے انبیاء کرام کو مبعوث فرمایا تاکہ وہ میرے بھٹکنے ہوئے بندوں سے میرا تعلق جوڑیں اور میری ربوبیت میرا یقین ان کے دلو دماغ میں پیوست کریں جس سے میرے گنہگار بندے صراط مستقیم پر چل کر جنت میں داخل ہوں اور میں رب کائنات ان کی مہمان نوازی کروں

لیکن نبی ختم الرسل کے بعد سلسلہ منقطع ہو گیا اللہ کو اپنے گنہگار بندوں سے بھی بڑا پیار ہے اللہ نے قرآن مجید میں ارشاد فرمایا
قل یا عبادی الذین اسرفو علی انفسھم لا تقنتو من الرّ حمۃ اللہ

اسلئے اللہ جل شانہ نے ولیوں کو مبعوث فرمایا کہ میرے گنہگار بندوں کو میری رحمت بتاؤ ان کا تعلق مجھ سے جوڑو ان کو توبہ کا طریقہ بتاؤ انہیں میری بڑائی بتاؤ وہ توبہ کریں میں ان کے تمام گناہ معاف کر دوں گا

چنانچہ نبوت کا دروازہ بند ہوا لیکن ولایت کا دروازہ کھلا ہے اللہ رب العزت نے کرہی کے گنہگار بندوں پر ایک رحمت کی نگاہ ڈالی اور ایک ایسی مقدس شخصیت کو مبعوث فرمایا جن سے ہمارے آباؤ اجداد نے استفادہ کیا اور وہ شخصیت کم عمری میں اللہ کو پیاری ہو گئی لیکن ایک تشنگی اپنے پیچھے چھوڑ گئی آج عرصہ گزر گیا زمانے میں بڑی بڑی تبدیلیاں ہوئیں لیکن ان کا نام آج بھی شمس و قمر کی طرح سے کرہی کے ہر فرد کے دلو دماغ میں روشن ہے

کیسی مبارک ہو گی وہ ساعت جب کرہی میں اس شخصیت کا ظہور ہوا ہوگا کتنے آنسو گرے ہونگے کتنی دعاؤں کے صدقے آپ کا ظہور ہوا گا کتنی بابرکت کتنی خوش نصیب وہ ماں ہوگی جس نے آپ جیسی ولی شخصیت  کو جنم دیا کڑوڑوں رحمتیں نازل ہوں اس والدین پر جن کے لال اس شان سے دنیا میں تشریف لائے کہ عرصہ گزر گیا آج بھی ان کی محبت میں کرہی والوں کو کوئی فرق نہیں آیا آج بھی ایسی محبت کا اظہار کرتے نظر آرہے ہیں جیسے ابھی فوت ہوئے کچھ ہی دن گزرے ہوں

اس شان کا ولی جس کی عمر جوانی کے شباب پر ہو اور کرہی گاؤں کے بزرگ نوجوان بچے آپ کے صحبت یافتہ ہو کر سلوک کی منازل طیں کریں ایسے شخص کو آنکھوں نے دیکھا جس کے دل میں امت غم کوٹ کوٹ کر بھرا تھا اور نماز کی پابندی جان سے بھی زیادہ عزیز رہی تا عمر. جب مریدین کا یہ حال ہے تو حضرت والا کا کیا عالم ہوگا

میں نے مولانا مسرور صاحب بہت دنوں قبل کچھ معلومات حاصل کرنے کی کوشش کی تو انہوں نے بتایا کہ جب آپ کا اخیر وقت تھا آپ بستر پر تھے تو پردے کا اتنا خیال تھا کہ فرمایا میری چارپائی کے قریب کوئی غیر محرم عورت نہ آنے پائے موت کا آخری وقت ہے اور پردے کا اہتمام دیکھو ولیوں نے جہاں پر اوراد و اذکار شریعت کی پابندی حقوق العباد کی فکر کی ہے وہیں دو باتوں کا خاص اہتمام کیا ہے.. رزق حلال.. اور نظروں کی حفاظت..

ولی دنیا سے رخصت ہو جاتے ہیں لیکن ان کے لگائے ہوئے شجر کبھی سوکھتے نہیں ان کی یادیں کبھی ختم نہیں ہوتی ان کی محبت دلوں میں زندہ رہتی وہ دلوں کے بادشاہ ہوتے ہیں اور نسل در نسل ان کی یاد میں محبت میں ایصال ثواب کا نذرانہ عقیدت بارگاہ ایزدی میں بھیجتی رہتی ہے

ہم وہ خوش نصیب ہیں کہ ہمارے آباؤ اجداد نے کرہی کے اس ولی سے اپنی محبت کا والہانہ اظہار کیا اور عشق و محبت سے ان کے صحبت یافتہ رہے جیسا کہ ہمارے چچا محترم مولانا نسیم صاحب قاسمی نے چند الفاظوں میں اس کا خلاصہ کیا ہے یہی چند الفاظ کی روشنی میں یہ تحریر لکھنے کی جسارت کر رہا ہوں

میں بابا حدیث مرحوم کی زندگی کا زیادہ لطف نہیں اٹھایا لیکن وہ مجھے بہت پیار کرتے تھے اور اپنے خالو حافظ یعقوب صاحب سے ایک مرتبہ بات کرتے ہوئے میں نے کہا کہ بابا مرحوم کی مغفرت ہو گئ ہوگی تو انہوں نے کہا کہ مغفرت کی بات کررہے ہو بہت دنوں سے میں درجات کی بلندی کی دعا کر رہا ہوں ان کی بات مجھے آج سمجھ میں آئی کہ اللہ جس کے مریدوں کا یہ حال ہو تو مرشد کا کیا عالم ہوگا خوش نصیب تھے وہ حضرات جنہوں نے مولانا فاروق صاحب رحمۃاللہ علیہ سے اپنا تعلق جوڑا

مولانا فاروق صاحب رحمۃ اللہ علیہ کرہی کے وہ درخشاں آفتاب ہیں جس کی کرنوں کی جھلک آج بھی محسوس ہوتی نظر آرہی ہے ہمارے نانا جان مرحوم نے ان کی ایک لنگی بڑی حفاظت سے رکھی تھی جو آج بھی موجود ہے اور ایک مولانا فاروق صاحب رحمۃاللہ علیہ کی یادگار ہے جسے اس وقت ہماری پھوپھی نے سنبھال کر رکھا ہے

قدرت خدائی نے کرہی والوں کے سر سے حضرت مولانا فاروق صاحب رحمۃاللہ علیہ کا عین جوانی کے وقت سایہ اٹھا لیا نہیں تو کرہی کی تاریخ کے باب کچھ اور ہوتے بحر حال ہم سب اس کی بارگاہ میں بے بس ولاچار ہیں لیکن اسے کرہی والوں کی بدقسمتی ضرور کہیں گے کہ اتنے بڑے ولی سے زیادہ فیض یاب ہونے کا شرف حاصل نہ ہو سکا رب کا فیصلہ اٹل ہے اور موت کا فیصلہ بھی اٹل ہے اللہ کرے کہ ہمیں پھر سے مولانا فاروق صاحب رحمۃاللہ علیہ کا ثانی نصیب ہو جائے

ہمارے چچا محترم نے صحیح فرمایا ہے کہ حضرت مولانا فاروق صاحب رحمۃاللہ علیہ کی کوئی ایسی یاد گار ہو جس سے نئی نسلیں بھی روشناس ہو سکیں انہیں معلوم ہو کہ کوئی ایسی شخصیت کرہی میں پیدا ہوئی جس کے ثانی کی آج ہم آرزو کرتے ہیں

اللہ رب العزت مولانا فاروق صاحب رحمۃاللہ علیہ کے پیروں سے اڑی ہوئی خاک کے صدقے ہم سیہ کاروں کی مغفرت فرمائے اور ہمارے گاؤں کرہی کو امن و شانتی کا گہوارہ بنائے آمین